ಬೆಂಗಳೂರು: ರಾಜ್ಯ ಪೊಲೀಸ್ ಇಲಾಖೆಯ ಇತಿಹಾಸದಲ್ಲೇ ಅತ್ಯಂತ ಮುಜುಗರ ಉಂಟುಮಾಡಿದ್ದ ಹಿರಿಯ ಅಧಿಕಾರಿಯೊಬ್ಬರ ಅಸಭ್ಯ ವರ್ತನೆಯ ಪ್ರಕರಣ ಈಗ ಕ್ಲೈಮ್ಯಾಕ್ಸ್ ತಲುಪಿದೆ. “ಆ ವಿಡಿಯೋ ನಂದಲ್ಲ, ಅದು ಎಡಿಟಿಂಗ್” ಎಂದು ಸುಳ್ಳು ಹೇಳಿ ಬಚಾವಾಗಲು ಯತ್ನಿಸಿದ್ದ ಅಮಾನತುಗೊಂಡ ಡಿಜಿಪಿ ಕೆ. ರಾಮಚಂದ್ರ ರಾವ್ (Ramachandra Rao Case) ಅವರ ಅಸಲಿ ಮುಖವಾಡ ಈಗ ಕಳಚಿ ಬಿದ್ದಿದೆ. ಎಡಿಜಿಪಿ ಆರ್. ಹಿತೇಂದ್ರ ನೇತೃತ್ವದ ತನಿಖಾ ತಂಡ ಸರ್ಕಾರಕ್ಕೆ ಸಲ್ಲಿಸಿರುವ 100 ಪುಟಗಳ ಸ್ಫೋಟಕ ವರದಿ ರಾವ್ ಅವರ ವೃತ್ತಿಜೀವನಕ್ಕೆ ಕೊಳ್ಳಿ ಇಟ್ಟಿದೆ.
ಡೀಪ್ಫೇಕ್ ಅಲ್ಲ, ಇದು ‘ರಿಯಲ್’ ಅಸಭ್ಯತೆ!
Ramachandra Rao Caseನಲ್ಲಿ ವಿಡಿಯೋ ವೈರಲ್ ಆದ ಆರಂಭದಲ್ಲಿ ರಾಮಚಂದ್ರ ರಾವ್ ಅವರು ಇದು ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಚಮತ್ಕಾರ ಅಥವಾ ಡೀಪ್ಫೇಕ್ ತಂತ್ರಜ್ಞಾನ ಬಳಸಿ ನನ್ನ ವ್ಯಕ್ತಿತ್ವಕ್ಕೆ ಮಸಿ ಬಳಿಯಲು ಮಾಡಿರುವ ಸಂಚು ಎಂದು ವಾದಿಸಿದ್ದರು. ಆದರೆ, ಫಾರೆನ್ಸಿಕ್ ಸೈನ್ಸ್ ಲ್ಯಾಬೋರೇಟರಿ (FSL) ನೀಡಿರುವ ತಾಂತ್ರಿಕ ವರದಿ ಈ ವಾದವನ್ನು ಪುಡಿಪುಡಿ ಮಾಡಿದೆ.
ತನಿಖಾ ವರದಿಯ ಪ್ರಮುಖ ಅಂಶಗಳು:
- ತಾಂತ್ರಿಕ ದೃಢೀಕರಣ: ವೈರಲ್ ಆಗಿರುವ ವಿಡಿಯೋದಲ್ಲಿ ಯಾವುದೇ ರೀತಿಯ ಕಟಿಂಗ್, ಮಿಕ್ಸಿಂಗ್ ಅಥವಾ ಮಾರ್ಫಿಂಗ್ ನಡೆದಿಲ್ಲ. ಅದು ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆಯಾದ ನೈಜ ದೃಶ್ಯಗಳೇ ಆಗಿವೆ ಎಂದು ಎಫ್ಎಸ್ಎಲ್ ಸ್ಪಷ್ಟಪಡಿಸಿದೆ.
- ಸ್ಥಳ ಗುರುತಿಸುವಿಕೆ: ಈ ಕೃತ್ಯ ನಡೆದಿದ್ದು 2016-17ರಲ್ಲಿ ಬೆಳಗಾವಿ ವಲಯದ ಐಜಿಪಿ ಕಚೇರಿಯಲ್ಲಿ ಎಂಬುದು ಸಾಬೀತಾಗಿದೆ. ಸರ್ಕಾರಿ ಕಚೇರಿಯಲ್ಲೇ ಸಮವಸ್ತ್ರದಲ್ಲಿದ್ದಾಗಲೇ ರಾವ್ ಈ ರೀತಿ ವರ್ತಿಸಿರುವುದು ಇಲಾಖೆಗೆ ದೊಡ್ಡ ಕಳಂಕ ತಂದಿದೆ.
- ಪ್ರತ್ಯಕ್ಷದರ್ಶಿಗಳ ಸಾಕ್ಷ್ಯ: ಬೆಳಗಾವಿಯಲ್ಲಿ ರಾವ್ ಅವರ ಅಧೀನದಲ್ಲಿ ಕೆಲಸ ಮಾಡುತ್ತಿದ್ದ ಚಾಲಕರು ಮತ್ತು ಕಚೇರಿ ಸಿಬ್ಬಂದಿ ಈಗ ಬಾಯಿ ಬಿಟ್ಟಿದ್ದಾರೆ. ವಿಡಿಯೋದಲ್ಲಿದ್ದ ಮಹಿಳೆಯರು ಪದೇ ಪದೇ ಸಾಹೇಬರ ಖಾಸಗಿ ಚೇಂಬರ್ಗೆ ಬರುತ್ತಿದ್ದನ್ನು ಅವರು ತನಿಖಾ ತಂಡದ ಮುಂದೆ ಒಪ್ಪಿಕೊಂಡಿದ್ದಾರೆ.
ಇದನ್ನೂ ಓದಿ: Swamiji Scandal: ಕಾಮʻಕೋಡಿ ಹರಿಸಿದ ಭವಿಷ್ಯ ಹೇಳುವ ಸ್ವಾಮಿ! ಮತ್ತೊಂದು ಹಸಿಬಿಸಿ ವಿಡಿಯೋ ಲೀಕ್!
ಹನಿಕ್ರ್ಯಾಪ್ ಶಂಕೆ ಮತ್ತು ನಾಪತ್ತೆಯಾದ ಮಹಿಳೆಯರು
ಈ ಇಡೀ ಪ್ರಕರಣದಲ್ಲಿ ವಿಡಿಯೋ ಚಿತ್ರೀಕರಿಸಿದ ಮಹಿಳೆಯೇ ಮಾಸ್ಟರ್ ಮೈಂಡ್ ಎಂಬ ಶಂಕೆ ವ್ಯಕ್ತವಾಗಿದೆ. ತನ್ನ ಮೊಬೈಲ್ ಅನ್ನು ರಹಸ್ಯವಾಗಿ ಇರಿಸಿ, ರಾವ್ ಅವರ ಅಸಭ್ಯ ವರ್ತನೆಯನ್ನು ಚಿತ್ರೀಕರಿಸಲಾಗಿದೆ. ಆದರೆ, ಪ್ರಕರಣ ಸುದ್ದಿಯಾಗುತ್ತಿದ್ದಂತೆ ವಿಡಿಯೋದಲ್ಲಿದ್ದ ಇಬ್ಬರು ಮಹಿಳೆಯರು ನಾಪತ್ತೆಯಾಗಿದ್ದು, ತನಿಖಾ ತಂಡಕ್ಕೆ ಅವರ ಹೇಳಿಕೆ ಪಡೆಯುವುದು ದೊಡ್ಡ ಸವಾಲಾಗಿದೆ. ಅವರು ಸಿಕ್ಕಿಬಿದ್ದರೆ ಈ ಪ್ರಕರಣದ ಹಿಂದೆ ಯಾವುದಾದರೂ ದೊಡ್ಡ ಗ್ಯಾಂಗ್ ಕೆಲಸ ಮಾಡಿದೆಯೇ ಎಂಬುದು ಬೆಳಕಿಗೆ ಬರಲಿದೆ.
ನಿವೃತ್ತಿ ಸಂಭ್ರಮದ ಮೇಲೆ ತನಿಖೆಯ ಕಾರ್ಮೋಡ
ಕೆ. ರಾಮಚಂದ್ರ ರಾವ್ ಅವರು ಬರುವ ಮೇ 31ರಂದು ಸೇವೆಯಿಂದ ನಿವೃತ್ತಿಯಾಗಬೇಕಿತ್ತು. ಗೌರವಯುತವಾಗಿ ಮನೆಗೆ ಹೋಗಬೇಕಿದ್ದ ಅಧಿಕಾರಿಗೆ ಈಗ ಇಲಾಖಾ ತನಿಖೆಯ (DPAR Inquiry) ಉರುಳು ಸುತ್ತಿಕೊಂಡಿದೆ.
ಇದನ್ನೂ ಓದಿ: C.J. Roy ಶೂಟ್-ಔಟ್ ರಹಸ್ಯ: 500 ಕೋಟಿಯ ‘ಬ್ಲಾಕ್ ಮನಿ’ ಆಟಕ್ಕೆ ಬಲಿಯಾಯ್ತಾ ಬಿಗ್ ಫಿಶ್!?
ಮುಂದೇನಾಗಬಹುದು?
- ನೋಟಿಸ್ ಜಾರಿ: ಈಗಾಗಲೇ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆ ರಾವ್ ಅವರಿಗೆ ಶೋಕಾಸ್ ನೋಟಿಸ್ ನೀಡಿದೆ.
- ಸೌಲಭ್ಯಗಳ ಕಡಿತ: ತನಿಖೆ ಪೂರ್ಣಗೊಳ್ಳುವವರೆಗೆ ಅವರ ಪಿಂಚಣಿ, ಗ್ರ್ಯಾಚುಯಿಟಿ ಮತ್ತು ಇತರ ನಿವೃತ್ತಿ ಸೌಲಭ್ಯಗಳನ್ನು ತಡೆಹಿಡಿಯಲು ಸರ್ಕಾರಕ್ಕೆ ಅಧಿಕಾರವಿದೆ.
- ಕಾನೂನು ಕ್ರಮ: ವರದಿಯ ಆಧಾರದ ಮೇಲೆ ಕ್ರಿಮಿನಲ್ ಮೊಕದ್ದಮೆ ದಾಖಲಿಸುವ ಸಾಧ್ಯತೆಯೂ ಇದೆ.
ಎಂಟು ವರ್ಷಗಳ ಹಿಂದೆ ಮಾಡಿದ ತಪ್ಪು ಈಗ ಅಧಿಕಾರಿಯೊಬ್ಬರ ಇಡೀ ಜೀವನದ ಗಳಿಕೆಯನ್ನು ಮಣ್ಣುಪಾಲು ಮಾಡುವ ಹಂತಕ್ಕೆ ತಲುಪಿದೆ. ಸತ್ಯವನ್ನು ಎಷ್ಟು ದಿನ ಮುಚ್ಚಿಟ್ಟರೂ ಅದು ಒಂದು ದಿನ ಹೊರಬಂದೇ ಬರುತ್ತದೆ ಎಂಬುದಕ್ಕೆ ಈ ಪ್ರಕರಣವೇ ಸಾಕ್ಷಿ.
