ಅಹಮದಾಬಾದ್: 2026ರ ಐಸಿಸಿ ಟಿ20 ವಿಶ್ವಕಪ್ನ ಸೂಪರ್-8 ಹಂತದ ಮೊದಲ ಪಂದ್ಯದಲ್ಲೇ ಭಾರತ ತಂಡ ನಿರಾಸೆ ಅನುಭವಿಸಿದೆ. ಬಲಿಷ್ಠ ದಕ್ಷಿಣ ಆಫ್ರಿಕಾ ವಿರುದ್ಧದ ಹಣಾಹಣಿಯಲ್ಲಿ ಬ್ಯಾಟಿಂಗ್ ವೈಫಲ್ಯಕ್ಕೆ ತುತ್ತಾದ ಟೀಮ್ ಇಂಡಿಯಾ 76 ರನ್ಗಳ ಭಾರೀ ಅಂತರದ ಸೋಲು ಕಂಡಿದೆ. ಪಂದ್ಯದ ಬಳಿಕ ಮಾತನಾಡಿದ ನಾಯಕ ಸೂರ್ಯಕುಮಾರ್ ಯಾದವ್ (Suryakumar Yadav), ತಂಡದ ಪತನಕ್ಕೆ ಕಾರಣವಾದ ಅಂಶಗಳನ್ನು ಮುಕ್ತವಾಗಿ ಹಂಚಿಕೊಂಡಿದ್ದಾರೆ.
ಪವರ್ಪ್ಲೇನಲ್ಲಿ ಪಂದ್ಯ ಕೈಚೆಲ್ಲಿದ ಭಾರತ
ನರೇಂದ್ರ ಮೋದಿ ಮೈದಾನದಲ್ಲಿ ನಡೆದ ಈ ಪಂದ್ಯದಲ್ಲಿ 188 ರನ್ಗಳ ಸವಾಲಿನ ಗುರಿ ಬೆನ್ನತ್ತಿದ ಭಾರತಕ್ಕೆ ಆರಂಭದಲ್ಲೇ ಆಘಾತ ಎದುರಾಯಿತು.
Moments after a standout #T20WorldCup performance from South Africa 👏
Broadcast details 👉 https://t.co/NPykWM7qqY pic.twitter.com/rWiD7Q1bS8
— ICC (@ICC) February 22, 2026
ನಾಯಕ ಸೂರ್ಯಕುಮಾರ್ ಯಾದವ್ (Suryakumar Yadav) ಹೇಳಿದ್ದೇನು?:
“180+ ರನ್ ಚೇಸ್ ಮಾಡುವಾಗ ಪವರ್ಪ್ಲೇನಲ್ಲಿ ವಿಕೆಟ್ ಕಳೆದುಕೊಂಡರೆ ಗೆಲ್ಲುವುದು ಕಷ್ಟ. ಬೌಲಿಂಗ್ನಲ್ಲಿ ಬುಮ್ರಾ ಮತ್ತು ಅರ್ಷದೀಪ್ ಉತ್ತಮ ಆರಂಭ ನೀಡಿದರೂ, ಬ್ಯಾಟಿಂಗ್ನಲ್ಲಿ ನಾವು ಎಡವಿದೆವು. ಮುಂದಿನ ಪಂದ್ಯದಲ್ಲಿ ಬಲಿಷ್ಠವಾಗಿ ಕಮ್ಬ್ಯಾಕ್ ಮಾಡುತ್ತೇವೆ,” ಎಂದು ಸೂರ್ಯ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: Bagalkot: ಕಿಡಿ ಹೊತ್ತಿಸಲು ಬರ್ತಿದ್ದಾರಾ ಯತ್ನಾಳ್? ನಿಷೇಧಾಜ್ಞೆಗಿಲ್ಲ ಕವಡೆ ಕಾಸಿನ ಕಿಮ್ಮತ್ತು!
ಭಾರತದ ಬ್ಯಾಟಿಂಗ್ ವೈಫಲ್ಯದ ಪ್ರಮುಖ ಅಂಶಗಳು ಇಲ್ಲಿವೆ:
- ಆರಂಭಿಕ ಆಘಾತ: ಇಶಾನ್ ಕಿಶನ್ ಶೂನ್ಯಕ್ಕೆ ಔಟಾದರೆ, ತಿಲಕ್ ವರ್ಮಾ ಮತ್ತು ಅಭಿಷೇಕ್ ಶರ್ಮಾ (15) ಕೂಡ ಬೇಗನೇ ಪೆವಿಲಿಯನ್ ಸೇರಿದರು.
- ವಿಕೆಟ್ ಪತನ: ಪವರ್ಪ್ಲೇ ಅವಧಿಯಲ್ಲೇ ಪ್ರಮುಖ 3 ವಿಕೆಟ್ ಕಳೆದುಕೊಂಡಿದ್ದು ತಂಡಕ್ಕೆ ದೊಡ್ಡ ಹಿನ್ನಡೆಯಾಯಿತು.
- ಜೊತೆಯಾಟದ ಕೊರತೆ: ಮಧ್ಯಮ ಕ್ರಮಾಂಕದಲ್ಲಿ ಯಾವುದೇ ಸಣ್ಣ ಜೊತೆಯಾಟಗಳು ಮೂಡಿಬರದ ಕಾರಣ ಭಾರತ 18.5 ಓವರ್ಗಳಲ್ಲಿ 111 ರನ್ಗಳಿಗೆ ಆಲೌಟ್ ಆಯಿತು.
ಇದನ್ನೂ ಓದಿ: Bagalkot: ʼನೋ ಎಂಟ್ರಿʼ ಆದೇಶಕ್ಕೆ ಡೋಂಟ್ ಕೇರ್; ಮುತಾಲಿಕ್-ಕೆರೆಹಳ್ಳಿ ಅಬ್ಬರಕ್ಕೆ ಜಿಲ್ಲಾಡಳಿತ ಕಂಗಾಲು!
ಬೌಲರ್ಗಳ ಹೋರಾಟಕ್ಕೆ ಮೆಚ್ಚುಗೆ
ಬ್ಯಾಟಿಂಗ್ನಲ್ಲಿ ವೈಫಲ್ಯ ಕಂಡರೂ, ಬೌಲಿಂಗ್ನಲ್ಲಿ ಭಾರತದ ವೇಗಿಗಳಾದ ಜಸ್ಪ್ರೀತ್ ಬುಮ್ರಾ ಮತ್ತು ಅರ್ಷದೀಪ್ ಸಿಂಗ್ ಉತ್ತಮ ಪ್ರದರ್ಶನ ನೀಡಿದರು. ಆರಂಭದಲ್ಲೇ ದಕ್ಷಿಣ ಆಫ್ರಿಕಾವನ್ನು 21 ರನ್ಗಳಿಗೆ 3 ವಿಕೆಟ್ ಪಡೆಯುವಂತೆ ಕಟ್ಟಿಹಾಕಿದ್ದರು.
- ಬುಮ್ರಾ ಮಿಂಚು: ಕ್ವಿಂಟನ್ ಡಿ ಕಾಕ್ ಮತ್ತು ರಯಾನ್ ರಿಕೆಲ್ಟನ್ ವಿಕೆಟ್ ಪಡೆದು ಆರಂಭಿಕ ಯಶಸ್ಸು ತಂದರು.
- ಅರ್ಷದೀಪ್ ಸಾಥ್: ಏಡೆನ್ ಮಾರ್ಕ್ರಮ್ ವಿಕೆಟ್ ಕಿತ್ತು ದಕ್ಷಿಣ ಆಫ್ರಿಕಾ ಮೇಲೆ ಒತ್ತಡ ಹೇರಿದರು.
ಒಟ್ಟಾರೆಯಾಗಿ ಈ ಜೋಡಿ 8 ಓವರ್ಗಳಲ್ಲಿ ಕೇವಲ 50ರ ಆಸುಪಾಸು ರನ್ ನೀಡಿ 5 ವಿಕೆಟ್ ಕಬಳಿಸಿರುವುದನ್ನು ನಾಯಕ ಶ್ಲಾಘಿಸಿದ್ದಾರೆ.
Just Jasprit Bumrah things 🙌
His 3️⃣rd breakthrough of the night! 👊
Updates ▶️ https://t.co/ZE8J4fF18z#TeamIndia | #T20WorldCup | #MenInBlue | #INDvSA pic.twitter.com/UMJXmcSOLe
— BCCI (@BCCI) February 22, 2026
ಕಮ್ಬ್ಯಾಕ್ ಭರವಸೆ
ದಕ್ಷಿಣ ಆಫ್ರಿಕಾ ಪರ ಡೇವಿಡ್ ಮಿಲ್ಲರ್ (63 ರನ್) ಅವರ ಜವಾಬ್ದಾರಿಯುತ ಆಟದಿಂದ ಆ ತಂಡ 187 ರನ್ ಕಲೆಹಾಕಲು ಸಾಧ್ಯವಾಯಿತು. ಸೋಲಿನಿಂದ ಕನ್ನಡಿ ಹಿಡಿದಂತಾಗಿರುವ ಭಾರತಕ್ಕೆ ಮುಂದಿನ ಪಂದ್ಯಗಳು ನಿರ್ಣಾಯಕವಾಗಿವೆ. “ಈ ಸೋಲಿನಿಂದ ನಾವು ಕಲಿಯುತ್ತೇವೆ. ತಪ್ಪುಗಳನ್ನು ತಿದ್ದಿಕೊಂಡು ಮುಂದಿನ ಪಂದ್ಯದಲ್ಲಿ ಬ್ಯಾಟಿಂಗ್, ಬೌಲಿಂಗ್ ಮತ್ತು ಫೀಲ್ಡಿಂಗ್ ಮೂರೂ ವಿಭಾಗಗಳಲ್ಲಿ ಬಲಿಷ್ಠವಾಗಿ ಕಮ್ಬ್ಯಾಕ್ ಮಾಡುತ್ತೇವೆ,” ಎಂಬ ವಿಶ್ವಾಸವನ್ನು ಸೂರ್ಯಕುಮಾರ್ ವ್ಯಕ್ತಪಡಿಸಿದ್ದಾರೆ.
