Gold Rate: ಬಂಗಾರ ಖರೀದಿಸುವ ಪ್ಲಾನ್ ಇದೆಯಾ? ಹಾಗಿದ್ದರೆ ನಿಮಗೊಂದು ಅಸಲಿ ಸುದ್ದಿ ಇಲ್ಲಿದೆ. ಬಂಗಾರ ಅಂದರೆ ಕನ್ನಡಿಗರಿಗೆ ಬರೀ ಲೋಹವಲ್ಲ, ಅದೊಂದು ಭಾವನೆ ಮತ್ತು ನಂಬಿಕಸ್ತ ಹೂಡಿಕೆ. ಕಳೆದ ಕೆಲವು ತಿಂಗಳುಗಳಿಂದ “ಮುಟ್ಟಿದರೆ ಉರಿ” ಎನ್ನುತ್ತಿದ್ದ ಚಿನ್ನದ ದರ ಈಗ ಕೊಂಚ ತಣ್ಣಗಾಗಿದೆ. ಸಾರ್ವಕಾಲಿಕ ದಾಖಲೆಯ ಬೆಲೆಗೆ ಹೋಲಿಸಿದರೆ ಈಗ ಬರೋಬ್ಬರಿ 20 ಸಾವಿರ ರೂಪಾಯಿಗಳಷ್ಟು ದರ ಇಳಿಕೆಯಾಗಿರುವುದು ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಿದೆ.
ಇಂದಿನ (ಫೆಬ್ರವರಿ 12, ಗುರುವಾರ) Gold Rate ಹೀಗಿದೆ:
ಮಾರುಕಟ್ಟೆಯಲ್ಲಿ ನಿನ್ನೆಗೆ ಹೋಲಿಸಿದರೆ ಇಂದು ದರದಲ್ಲಿ ಅಲ್ಪ ಏರಿಕೆ ಕಂಡಿದ್ದರೂ, ಒಟ್ಟಾರೆ ಟ್ರೆಂಡ್ ಗ್ರಾಹಕರಿಗೆ ಪೂರಕವಾಗಿದೆ.
- 24 ಕ್ಯಾರೆಟ್ (ಅಪರಂಜಿ):- 1,58,890 ರೂ.
- 22 ಕ್ಯಾರೆಟ್ (ಆಭರಣ ಚಿನ್ನ):- 1,45,649 ರೂ.
- 18 ಕ್ಯಾರೆಟ್:- 1,19,168 ರೂ.
ಇದನ್ನೂ ಓದಿ: ಶಾಸಕರ ‘ಫಾರಿನ್ ಟೂರ್’ ಫಜೀತಿ: ಹೈಕಮಾಂಡ್ ಕೆಂಗಣ್ಣು, ನಾಯಕರಿಗೆ ನಡುಕ!
ಬೆಲೆ ಇಳಿಕೆಗೆ ಅಸಲಿ ಕಾರಣವೇನು?
ಜಾಗತಿಕ ಮಾರುಕಟ್ಟೆಯಲ್ಲಿ ಡಾಲರ್ ಮೌಲ್ಯದ ಏರಿಳಿತ ಹಾಗೂ ಅಮೆರಿಕ-ಇರಾನ್ ನಡುವಿನ ಉದ್ವಿಗ್ನತೆ ಚಿನ್ನದ ಮೇಲೆ ನೇರ ಪರಿಣಾಮ ಬೀರಿದೆ. ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಔನ್ಸ್ಗೆ $ 5,079 ರ ಆಸುಪಾಸಿನಲ್ಲಿದೆ. ಅಮೆರಿಕದ ಫೆಡರಲ್ ರಿಸರ್ವ್ ಬಡ್ಡಿದರ ಇಳಿಸುವ ಸುಳಿವು ನೀಡಿರುವುದು ಹೂಡಿಕೆದಾರರನ್ನು ಚಿನ್ನದತ್ತ ಸೆಳೆಯುತ್ತಿದೆ.
