ಬಾಲಿವುಡ್ನ ಶೆಹನ್ಶಾ Amitabh Bachchan ಅಂದ್ರೆ ಇಂದು ಜಗತ್ತೇ ಗೌರವ ನೀಡುತ್ತೆ. ಆದರೆ, ಒಂದು ಕಾಲದಲ್ಲಿ ಇದೇ ಬಚ್ಚನ್ ಅವರನ್ನು ವಿದೇಶಿ ನೆಲದಲ್ಲಿ ಅತ್ಯಂತ ಕೀಳಾಗಿ ನಡೆಸಿಕೊಳ್ಳಲಾಗಿತ್ತು. ದಶಕಗಳ ಹಿಂದೆ ನಡೆದ ಆ ಕಹಿ ಘಟನೆಯನ್ನು ಬಿಗ್ ಬಿ ಈಗ ನೆನಪಿಸಿಕೊಂಡಿದ್ದಾರೆ. ಅದಕ್ಕೆ ಕಾರಣವಾಗಿದ್ದು ಭಾರತದ ಅಂಡರ್-19 ಕ್ರಿಕೆಟ್ ತಂಡದ ಭರ್ಜರಿ ಜಯ!
ಏನಿದು ಘಟನೆ? Amitabh Bachchan ಬಿಚ್ಚಿಟ್ಟ ರಹಸ್ಯ!
ಇತ್ತೀಚೆಗೆ ತಮ್ಮ ಬ್ಲಾಗ್ನಲ್ಲಿ ಬರೆದುಕೊಂಡಿರುವ Amitabh Bachchan, ತಾವು ಯುವ ನಟನಾಗಿದ್ದಾಗ ನಡೆದ ಒಂದು ಘಟನೆಯನ್ನು ಹಂಚಿಕೊಂಡಿದ್ದಾರೆ. ಒಂದು ಅಂತರಾಷ್ಟ್ರೀಯ ಫಿಲ್ಮ್ ಫೆಸ್ಟಿವಲ್ನಲ್ಲಿ ಭಾಗವಹಿಸಲು ಬಿಗ್ ಬಿ ವಿದೇಶಕ್ಕೆ ಹೋಗಿದ್ದರು (ಆ ದೇಶದ ಹೆಸರನ್ನು ಅವರು ಬಹಿರಂಗಪಡಿಸಿಲ್ಲ). ವಿಮಾನದಲ್ಲಿ ಹೋಗುವಾಗ ಪತ್ರಿಕೆಯೊಂದರಲ್ಲಿ ತಮ್ಮ ಸಿನಿಮಾದ ಪೋಸ್ಟರ್ ನೋಡಿ ಖುಷಿಪಟ್ಟಿದ್ದರು. ಆದರೆ, ವಿಮಾನದಿಂದ ಕೆಳಗಿಳಿಯುತ್ತಿದ್ದಂತೆ ಅಲ್ಲಿನ ಪರಿಸ್ಥಿತಿಯೇ ಬದಲಾಗಿತ್ತು.
Amitabh Bachchan ಅವರನ್ನು ನೋಡಲು ವಿಮಾನ ನಿಲ್ದಾಣದಲ್ಲಿ ಸಾವಿರಾರು ಜನ ಜಮಾಯಿಸಿದ್ದರು. ಜನದಟ್ಟಣೆ ಎಷ್ಟಿತ್ತೆಂದರೆ ಪೊಲೀಸರು ಬಂದು ಬಿಗ್ ಬಿ ಅವರನ್ನು ಅಲ್ಲಿಂದ ರಕ್ಷಿಸಿ ನೇರವಾಗಿ ಹೋಟೆಲ್ಗೆ ಕರೆದೊಯ್ಯಬೇಕಾಯಿತು. ಅವರ ಇಮಿಗ್ರೇಷನ್ ಪ್ರಕ್ರಿಯೆ ಕೂಡ ಹೋಟೆಲ್ನಲ್ಲೇ ನಡೆಯುವಂತಾಯಿತು.
ಇದನ್ನೂ ಓದಿ: Black Eye Club: ಕಪ್ಪು ಕಲೆ ಹಿಂದಿದೆ ಬೆಚ್ಚಿಬೀಳಿಸುವ ರಹಸ್ಯ; ವಿಶ್ವದ ಪ್ರಭಾವಿಗಳ ಅಸಲಿ ಮುಖವಾಡ ಕಳಚಿದ ಫೈಲ್ಸ್!
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಬಿಗ್ ಬಿ, “ಅವನು ನನ್ನನ್ನು ಕೆಟ್ಟ ನಟ ಎಂದು ಕರೆದಿದ್ದಕ್ಕೆ ನನಗೆ ಬೇಸರವಾಗಲಿಲ್ಲ. ಆದರೆ, ನನ್ನ ದೇಶವನ್ನು ‘ಮೂರನೇ ಜಗತ್ತಿನ ದೇಶ’ ಎಂದು ಕರೆದಿದ್ದು ನನ್ನ ಮನಸ್ಸಿಗೆ ಆಳವಾಗಿ ಚುಚ್ಚಿತ್ತು” ಎಂದು ನೋವು ತೋಡಿಕೊಂಡಿದ್ದಾರೆ.
ಇಂದು ನಾವೇ ನಂಬರ್ 1: ಬಿಗ್ ಬಿ ಸಿಂಹಗರ್ಜನೆ!
ಅಂದು ಅವಮಾನಿಸಿದವರಿಗೆ ಈಗ ಅಮಿತಾಭ್ ಬಚ್ಚನ್ ಭಾರತದ ಸಾಧನೆಗಳ ಮೂಲಕವೇ ಉತ್ತರ ನೀಡಿದ್ದಾರೆ. ಇತ್ತೀಚೆಗೆ ಭಾರತದ ಅಂಡರ್-19 ತಂಡ ಇಂಗ್ಲೆಂಡ್ ವಿರುದ್ಧ 100 ರನ್ಗಳ ಭರ್ಜರಿ ಜಯ ಸಾಧಿಸಿ ವಿಶ್ವ ಚಾಂಪಿಯನ್ ಆಗಿದ್ದನ್ನು ನೋಡಿ ಬಿಗ್ ಬಿ ಸಂಭ್ರಮಿಸಿದ್ದಾರೆ.
ಇದನ್ನೂ ಓದಿ: Jogi Prem: ಹಿರಿಯ ನಿರ್ಮಾಪಕನ ವಿರುದ್ಧ ಫಿಲ್ಮ್ ಚೇಂಬರ್ ಮೆಟ್ಟಿಲೇರಿದ ‘ಶೋಮ್ಯಾನ್’!
ತಮ್ಮ ಬ್ಲಾಗ್ನಲ್ಲಿ ಕವಿತೆಯ ಸಾಲುಗಳನ್ನು ಬರೆಯುತ್ತಾ, “ಶತ್ರುಗಳ ಎಲ್ಲ ಅಸ್ತ್ರಗಳನ್ನು ಅಡಗಿಸಿ ನಾವು ಗೆದ್ದಿದ್ದೇವೆ. ಅಂಧರ ಕ್ರಿಕೆಟ್ ಇರಲಿ, ಮಹಿಳಾ ಅಥವಾ ಪುರುಷರ ಕ್ರಿಕೆಟ್ ಇರಲಿ, ಇಂದು ಭಾರತವೇ ನಂಬರ್ 1. ನಾವು ಇನ್ನು ಮುಂದೆ ‘ಥರ್ಡ್ ವರ್ಲ್ಡ್ ಕಂಟ್ರಿ’ ಅಲ್ಲ, ನಾವು ಫಸ್ಟ್ ವರ್ಲ್ಡ್ ನೇಷನ್! ಭಾರತ ಮಾತಾ ಕಿ ಜೈ” ಎಂದು ಗರ್ಜಿಸಿದ್ದಾರೆ.
ಅಂದು ಅವಮಾನಿಸಿದ ವಿದೇಶಿಗರಿಗೆ, ಇಂದು ಭಾರತದ ಯುವ ಪಡೆ ಕ್ರಿಕೆಟ್ ಮೈದಾನದಲ್ಲಿ ನೀಡುತ್ತಿರುವ ಪ್ರತ್ಯುತ್ತರ ಕಂಡು ಬಿಗ್ ಬಿ ಅತೀವ ಹೆಮ್ಮೆ ವ್ಯಕ್ತಪಡಿಸಿದ್ದಾರೆ. ಈ ಲೇಖನ ಈಗ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.
