Tech News: ನಾವು ಪ್ರತಿದಿನ ಬಳಸುವ ಪ್ರತಿಯೊಂದು ವಸ್ತುವಿನ ವಿನ್ಯಾಸದ ಹಿಂದೆ ಟೆಕ್ನಾಲಜಿ (Tech) ಅಡಗಿರುತ್ತದೆ. ಮನೆಗೆ ಹಾಕುವ ಬೀಗ (Padlock) ಕೂಡ ಇದಕ್ಕೆ ಹೊರತಾಗಿಲ್ಲ. ನೀವು ಬೀಗದ ಕೀಲಿ ಹಾಕುವ ಜಾಗದ ಪಕ್ಕದಲ್ಲೇ ಇರುವ ಒಂದು ಪುಟ್ಟ ರಂಧ್ರವನ್ನು ಗಮನಿಸಿರಬಹುದು. ಬಹಳಷ್ಟು ಜನರು ಇದನ್ನು ಕೇವಲ ವಿನ್ಯಾಸ ಅಥವಾ ಗಾಳಿ ಹೋಗಲು ಮಾಡಿರುವ ರಂಧ್ರ ಎಂದು ಭಾವಿಸುತ್ತಾರೆ. ಆದರೆ, ಬೀಗ ದೀರ್ಘಕಾಲ ಬಾಳಿಕೆ ಬರಲು ಈ ಸಣ್ಣ ರಂಧ್ರವೇ ಅತಿ ಮುಖ್ಯ!
ಈ ಎರಡು ಪ್ರಮುಖ ಕಾರಣಕ್ಕೆ ರಂಧ್ರ:
1. ತುಕ್ಕು ಹಿಡಿಯದಂತೆ ತಡೆಯುವ ‘ಡ್ರೈನೇಜ್’
ಬೀಗದ ಕೆಳಗಿನ ರಂಧ್ರದ ಹಿಂದೆ ಟೆಕ್ (Tech) ಅಡಗಿದೆ:- ನಾವೆಲ್ಲರೂ ಮನೆಯ ಗೇಟ್ ಅಥವಾ ಹೊರಗಿನ ಬಾಗಿಲುಗಳಿಗೆ ಬೀಗ ಹಾಕುತ್ತೇವೆ. ಮಳೆ ಬಂದಾಗ ಅಥವಾ ವಾತಾವರಣದಲ್ಲಿ ತೇವಾಂಶ ಹೆಚ್ಚಾದಾಗ ಬೀಗದ ಒಳಗೆ ನೀರು ಸೇರುವುದು ಸಾಮಾನ್ಯ. ಒಂದು ವೇಳೆ ಈ ನೀರು ಒಳಗೆ ಹಾಗೆಯೇ ನಿಂತರೆ, ಬೀಗದ ಒಳಗಿರುವ ಕಬ್ಬಿಣದ ಸ್ಪ್ರಿಂಗ್ಗಳು ಮತ್ತು ಪಿನ್ಗಳು ತುಕ್ಕು ಹಿಡಿಯುತ್ತವೆ. ಈ ಸಣ್ಣ ರಂಧ್ರವು ಒಳಗೆ ಸೇರಿದ ನೀರು ತಕ್ಷಣ ಹೊರಹೋಗಲು ದಾರಿಯಾಗುತ್ತದೆ. ಇದರಿಂದ ಬೀಗ ಒಳಭಾಗದಿಂದ ಹಾಳಾಗುವುದು ತಪ್ಪುತ್ತದೆ.
ಇದನ್ನೂ ಓದಿ: ನಿಮ್ಮ ಫೋನ್ ಇನ್ನು ನಿಮ್ಮದಲ್ಲ! ಖಾಸಗಿತನ ಸರ್ಕಾರದ ಪಾಲು? ‘ಡೆಂಜರಸ್’ ಆಟ ಶುರು!
2. ಬೀಗವನ್ನು ‘ಸ್ಮೂತ್’ ಆಗಿರಿಸಲು ಸಹಕಾರಿ
ಬಹಳ ದಿನ ಬಳಸಿದ ನಂತರ ಅಥವಾ ತುಕ್ಕು ಹಿಡಿದಾಗ ಬೀಗಗಳು ಸರಿಯಾಗಿ ತಿರುಗುವುದಿಲ್ಲ ಅಥವಾ ಕೀಲಿ ಸಿಕ್ಕಿಹಾಕಿಕೊಳ್ಳುತ್ತವೆ. ಅಂತಹ ಸಮಯದಲ್ಲಿ ನಾವು ಕೀಲಿ ಹಾಕುವ ಜಾಗದಲ್ಲೇ ಎಣ್ಣೆ ಹಾಕುತ್ತೇವೆ. ಆದರೆ ಅದು ಬೀಗದ ಎಲ್ಲಾ ಭಾಗಗಳಿಗೆ ಸರಿಯಾಗಿ ತಲುಪುವುದಿಲ್ಲ.
- ಈ ರಂಧ್ರದ ಮೂಲಕ ಲಬ್ರಿಕೇಶನ್ ಆಯಿಲ್ (Lubrication Oil) ಹಾಕಿದರೆ, ಅದು ನೇರವಾಗಿ ಬೀಗದ ಒಳಗಿನ ಸ್ಪ್ರಿಂಗ್ ಮತ್ತು ಪಿನ್ಗಳಿಗೆ ತಲುಪುತ್ತದೆ.
- ಇದು ಬೀಗವು ಮತ್ತೆ ಹೊಸದರಂತೆ ಸುಲಭವಾಗಿ ಕೆಲಸ ಮಾಡಲು ಮತ್ತು ಕೀಲಿ ಸಿಲುಕಿಕೊಳ್ಳದಂತೆ ತಡೆಯಲು ಸಹಾಯ ಮಾಡುತ್ತದೆ.
ಗಮನಿಸಿ: ಒಂದು ವೇಳೆ ನೀವು ಬಳಸುವ ಬೀಗದಲ್ಲಿ ಈ ರಂಧ್ರವಿಲ್ಲದಿದ್ದರೆ, ಅದು ಹೆಚ್ಚಾಗಿ ಮನೆಯ ಒಳಗಿನ ಬಳಕೆಗಾಗಿ (Indoor use) ತಯಾರಿಸಲಾದ ಬೀಗ ಎಂದರ್ಥ. ಹೊರಾಂಗಣದ ಬೀಗಗಳಿಗೆ ಈ ಫೀಚರ್ ಇರುವುದು ಅನಿವಾರ್ಯ.
