ನಿಮ್ಮ ಜೇಬಿನಲ್ಲಿರುವ ಮೊಬೈಲ್ ಫೋನ್ ಇನ್ನು ಮುಂದೆ ನಿಮ್ಮ ಅಧೀನದಲ್ಲಿ ಇರುವುದಿಲ್ಲವೇ? ನಿಮ್ಮ ಫಿಂಗರ್ಪ್ರಿಂಟ್ನಿಂದ ಹಿಡಿದು ಬ್ಯಾಂಕ್ ಪಾಸ್ವರ್ಡ್ವರೆಗೆ ಎಲ್ಲವೂ ಸರ್ಕಾರದ ಕೈಗೆ ಸಿಗುತ್ತಾ? ಇಂತಹದೊಂದು ಭಯಾನಕ ಪ್ರಶ್ನೆ ಈಗ ಇಡೀ ದೇಶದ ಸ್ಮಾರ್ಟ್ಫೋನ್ ಬಳಕೆದಾರರನ್ನು ಕಾಡುತ್ತಿದೆ. ಮೊಬೈಲ್ ಕಂಪನಿಗಳು ತಮ್ಮ Mobile Source Code ಅನ್ನು ಹಂಚಿಕೊಳ್ಳಬೇಕು ಎಂಬ ಚರ್ಚೆ ಈಗ ತಾಂತ್ರಿಕ ಜಗತ್ತಿನಲ್ಲಿ ಸಂಚಲನ ಮೂಡಿಸಿದೆ.
ಏನಿದು Mobile Source Code? ಯಾಕಿಷ್ಟು ಭಯ?
ಯಾವುದೇ ಒಂದು Mobile Source Code ಆ ಫೋನ್ನ ‘ಆತ್ಮ’ ಇದ್ದಂತೆ. ಅದು ಫೋನ್ನ ಪ್ರತಿಯೊಂದು ಚಟುವಟಿಕೆಯನ್ನು ನಿಯಂತ್ರಿಸುತ್ತದೆ. ಒಂದು ವೇಳೆ ಇದು ಬೇರೆಯವರ ಕೈ ಸೇರಿದರೆ ಏನಾಗಬಹುದು ಎಂಬ ಆತಂಕದ ಪಟ್ಟಿ ಇಲ್ಲಿದೆ:
- ಕ್ಯಾಮೆರಾ & ಮೈಕ್ ಹ್ಯಾಕಿಂಗ್: ನಿಮ್ಮ ಅನುಮತಿ ಇಲ್ಲದೆಯೇ ನಿಮ್ಮ ಫೋನ್ನ ಕ್ಯಾಮೆರಾ ಮತ್ತು ಮೈಕ್ರೋಫೋನ್ ಅನ್ನು ದೂರ ಕುಳಿತು ಆನ್ ಮಾಡಬಹುದು!
- ಬಯೋಮೆಟ್ರಿಕ್ ಕಳವು: ನಿಮ್ಮ ಫಿಂಗರ್ಪ್ರಿಂಟ್ ಮತ್ತು ಫೇಸ್ ಐಡಿ ಮಾಹಿತಿಯನ್ನು ಸುಲಭವಾಗಿ ಕದಿಯಬಹುದು.
- ಬ್ಯಾಂಕಿಂಗ್ ಡೇಟಾ: ನೀವು ಟೈಪ್ ಮಾಡುವ ಪ್ರತಿಯೊಂದು ಪಾಸ್ವರ್ಡ್ ಮತ್ತು ಓಟಿಪಿ (OTP) ಇನ್ನೊಬ್ಬರಿಗೆ ಕಾಣಿಸುವ ಅಪಾಯವಿರುತ್ತದೆ.
- ಬ್ಲೂಪ್ರಿಂಟ್ ಸೋರಿಕೆ: ಫೋನ್ನ ಒಟ್ಟಾರೆ ಭದ್ರತಾ ವ್ಯವಸ್ಥೆಯನ್ನೇ ಬುಡಮೇಲು ಮಾಡಬಹುದು.
ಸರ್ಕಾರ ಮತ್ತು ಕಂಪನಿಗಳ ನಡುವೆ ನಡೆದಿದ್ದೇನು?
ಕೇಂದ್ರ ಐಟಿ ಸಚಿವಾಲಯವು ಭದ್ರತೆಯ ದೃಷ್ಟಿಯಿಂದ Mobile Source Code ಕೇಳಬಹುದು ಎಂಬ ಸುದ್ದಿ ಹರಡುತ್ತಿದ್ದಂತೆ ಆಪಲ್, ಸ್ಯಾಮ್ಸಂಗ್ ಮತ್ತು ಒನ್ಪ್ಲಸ್ನಂತಹ ಕಂಪನಿಗಳು ಬೆಚ್ಚಿಬಿದ್ದಿದ್ದವು. ಐಟಿ ಹಾರ್ಡ್ವೇರ್ ತಯಾರಕರ ಸಂಘಟನೆ (MAIT) ಈ ಬಗ್ಗೆ ತೀವ್ರ ಕಳವಳ ವ್ಯಕ್ತಪಡಿಸಿತ್ತು. ಸದ್ಯಕ್ಕೆ ಸರ್ಕಾರವು “ಸೋರ್ಸ್ ಕೋಡ್ ಹಂಚಿಕೆ ಕಡ್ಡಾಯವಲ್ಲ” ಎಂದು ಹೇಳಿ ಈ ಜಟಾಪಟಿಗೆ ತಾತ್ಕಾಲಿಕ ತೆರೆ ಎಳೆದಿದ್ದರೂ, ಭವಿಷ್ಯದಲ್ಲಿ ‘ರಾಷ್ಟ್ರೀಯ ಭದ್ರತೆ’ಯ ಹೆಸರಿನಲ್ಲಿ ಸರ್ಕಾರ ಮಧ್ಯಪ್ರವೇಶಿಸುವ ಅಧಿಕಾರವನ್ನು ತನ್ನ ಬಳಿಯೇ ಇರಿಸಿಕೊಂಡಿದೆ.
ನಿಮ್ಮ ಖಾಸಗಿತನಕ್ಕೆ ಸಂಚಕಾರವೇ?
ಸ್ಮಾರ್ಟ್ಫೋನ್ಗಳು ಈಗ ಕೇವಲ ಫೋನ್ಗಳಾಗಿ ಉಳಿದಿಲ್ಲ, ಅವು ನಮ್ಮ ಜೀವನದ ಪ್ರತಿಯೊಂದು ಕ್ಷಣವನ್ನು ರೆಕಾರ್ಡ್ ಮಾಡುತ್ತಿವೆ. ಸೋರ್ಸ್ ಕೋಡ್ ಎನ್ನುವ ‘ಮಾಸ್ಟರ್ ಕೀ’ ಯಾರ ಕೈಯಲ್ಲಿರುತ್ತದೆಯೋ, ಅವರು ನಿಮ್ಮ ಡಿಜಿಟಲ್ ಬದುಕನ್ನು ಸಂಪೂರ್ಣವಾಗಿ ನಿಯಂತ್ರಿಸಬಹುದು. ಕಂಪನಿಗಳು “ನಾವು ಕೋಡ್ ನೀಡುವುದಿಲ್ಲ” ಎನ್ನುತ್ತಿದ್ದರೆ, ಸರ್ಕಾರವು “ಜನರ ಸುರಕ್ಷತೆಗಾಗಿ ನಮಗೆ ನಿಯಂತ್ರಣ ಬೇಕು” ಎನ್ನುತ್ತಿದೆ. ಈ ಇಬ್ಬರ ನಡುವಿನ ಹೋರಾಟದಲ್ಲಿ ಸಾಮಾನ್ಯ ಜನರ ಗೌಪ್ಯತೆ’ (Privacy) ಬಲಿಯಾಗುತ್ತದೆಯೇ ಎಂಬ ಭಯ ಈಗ ಶುರುವಾಗಿದೆ.
ಗಮನಿಸಿ: ಒಂದು ವೇಳೆ ಸೋರ್ಸ್ ಕೋಡ್ ಸರ್ಕಾರದ ಅಥವಾ ಮೂರನೇ ವ್ಯಕ್ತಿಯ ಕೈ ಸೇರಿದರೆ, ನಿಮ್ಮ ಫೋನ್ ಆಫ್ ಆಗಿದ್ದರೂ ಕೂಡ ಅದನ್ನು ಆನ್ ಮಾಡಬಹುದು ಮತ್ತು ನಿಮ್ಮ ಖಾಸಗಿ ಸಂಭಾಷಣೆಗಳನ್ನು ಆಲಿಸಬಹುದು ಎಂಬ ಆತಂಕ ತಾಂತ್ರಿಕ ವಲಯದಲ್ಲಿದೆ.
ಇದನ್ನೂ ಓದಿ: Black Eye Club: ಕಪ್ಪು ಕಲೆ ಹಿಂದಿದೆ ಬೆಚ್ಚಿಬೀಳಿಸುವ ರಹಸ್ಯ; ವಿಶ್ವದ ಪ್ರಭಾವಿಗಳ ಅಸಲಿ ಮುಖವಾಡ ಕಳಚಿದ ಫೈಲ್ಸ್!
ಈವರೆಗಿನ ಅಪ್ಡೇಟ್:
ಸದ್ಯಕ್ಕೆ ಮಾಹಿತಿ ತಂತ್ರಜ್ಞಾನ ತಯಾರಕರ ಸಂಘ (MAIT) ನೀಡಿರುವ ಸ್ಪಷ್ಟನೆಯಿಂದ ಬಳಕೆದಾರರು ನಿಟ್ಟುಸಿರು ಬಿಡಬಹುದು. ಜೂನ್ 18, 2025 ರ ಸರ್ಕಾರದ ನಿರ್ದೇಶನದಂತೆ ಕೋಡ್ ಹಂಚಿಕೆ ಕಡ್ಡಾಯವಾಗಿಲ್ಲ. ಆದರೆ, ತಂತ್ರಜ್ಞಾನದ ಈ ಕರಾಳ ಮುಖದ ಬಗ್ಗೆ ಪ್ರತಿಯೊಬ್ಬರೂ ಎಚ್ಚರದಿಂದ ಇರಲೇಬೇಕಾದ ಅನಿವಾರ್ಯತೆ ಎದುರಾಗಿದೆ.
