ವಿಶೇಷ ದಿನಗಳಲ್ಲಿ ಮೊಬೈಲ್ ಕಂಪನಿಗಳು ಆಫರ್ ನೀಡುವುದು ಸಾಮಾನ್ಯ, ಇದೀಗ ಆಪಲ್ ಕೂಡ iPhone Offers ನೀಡುತ್ತಿದೆ. ಹೌದು, ಪ್ರೇಮಿಗಳ ದಿನದ (Valentine’s Day) ಸಂಭ್ರಮಕ್ಕೆ ಆಪಲ್ ಇಂಡಿಯಾ ಅಧಿಕೃತವಾಗಿ ಚಾಲನೆ ನೀಡಿದೆ. ತನ್ನ ಪ್ರೀತಿಪಾತ್ರರಿಗೆ ಅತ್ಯಾಧುನಿಕ ಗ್ಯಾಜೆಟ್ಗಳನ್ನು ಉಡುಗೊರೆಯಾಗಿ ನೀಡಲು ಬಯಸುವವರಿಗಾಗಿ ಕಂಪನಿಯು ತನ್ನ ಅಧಿಕೃತ ವೆಬ್ಸೈಟ್ನಲ್ಲಿ ವಿಶೇಷ ಮಾರಾಟ ಮೇಳವನ್ನು ಆರಂಭಿಸಿದೆ. ಇದರಲ್ಲಿ ಹೊಸ iPhone 17 ಸರಣಿ ಸೇರಿದಂತೆ ಮ್ಯಾಕ್ಬುಕ್ ಮತ್ತು ಇತರ ಆಪಲ್ ಸಾಧನಗಳ ಮೇಲೆ ಆಕರ್ಷಕ ರಿಯಾಯಿತಿಗಳನ್ನು ಘೋಷಿಸಲಾಗಿದೆ.
ಈಗಾಗಲೇ ಆಪಲ್ ಇಂಡಿಯಾ ವೆಬ್ಸೈಟ್ನಲ್ಲಿ iPhone Offers ಸೇಲ್ ಲೈವ್ ಆಗಿದ್ದು, ಗ್ರಾಹಕರು ನೇರವಾಗಿ ಆಫರ್ ಪುಟಕ್ಕೆ ಭೇಟಿ ನೀಡಿ ತಮ್ಮ ನೆಚ್ಚಿನ iPhone ಪಡೆಯಬಹುದು.
ಯಾವುದರ ಮೇಲೆ ಎಷ್ಟು ರಿಯಾಯಿತಿ?
ಆಪಲ್ ಈ ಬಾರಿ ನೇರವಾಗಿ ಬೆಲೆ ಕಡಿತ ಮಾಡುವ ಬದಲು, ಆಯ್ದ ಬ್ಯಾಂಕ್ ಕಾರ್ಡ್ಗಳ ಮೇಲೆ ಇನ್ಸ್ಟಂಟ್ ಕ್ಯಾಶ್ಬ್ಯಾಕ್ (Instant Cashback) ನೀಡುತ್ತಿದೆ: iPhone 17 ಸರಣಿ- ಹೊಸ ಐಫೋನ್ 17 ಖರೀದಿಸುವವರಿಗೆ ಸರಿ ಸುಮಾರು 5,000 ರೂ. ವರೆಗೆ ಇನ್ಸ್ಟಂಟ್ ಕ್ಯಾಶ್ಬ್ಯಾಕ್ ಲಭ್ಯವಿದೆ. ಇನ್ನು ಐಫೋನ್ 16 ಅಥವಾ 16 ಪ್ಲಸ್ ಮಾದರಿಗಳ ಮೇಲೆ 4,000 ರೂ. ಡಿಸ್ಕೌಂಟ್ ಪಡೆಯಬಹುದು.
MacBook Air (M4):
ಲ್ಯಾಪ್ಟಾಪ್ ಖರೀದಿಸುವವರಿಗೆ ದೊಡ್ಡ ಮೊತ್ತದ ಉಳಿತಾಯಕ್ಕೆ ಅವಕಾಶವಿದ್ದು, ಮ್ಯಾಕ್ಬುಕ್ ಏರ್ ಮೇಲೆ 10,000 ರೂ. ವರೆಗೆ ಕ್ಯಾಶ್ಬ್ಯಾಕ್ ಸಿಗಲಿದೆ. ಇದರಿಂದ 13-ಇಂಚಿನ ಮಾಡೆಲ್ ಅನ್ನು ಅಂದಾಜು 90,000 ರೂ. ಆಸುಪಾಸಿನಲ್ಲಿ ಖರೀದಿಸಬಹುದು.
ಇತರ ಸಾಧನಗಳು:
ಆಪಲ್ ವಾಚ್ ಸೀರಿಸ್ 11 ರ ಮೇಲೆ 4,000 ರೂ., ಏರ್ಪಾಡ್ಸ್ ಪ್ರೊ ಮೇಲೆ 1,000 ರೂ. ಹಾಗೂ ಐಪ್ಯಾಡ್ಗಳ ಮೇಲೆಯೂ ಆಕರ್ಷಕ ಬ್ಯಾಂಕ್ ಆಫರ್ಗಳು ಲಭ್ಯವಿವೆ.
ಸ್ಮಾರ್ಟ್ ಆಗಿ ಖರೀದಿ ಮಾಡಿ!
- ಆಪಲ್ ಸ್ಟೋರ್ನಿಂದ ನೇರವಾಗಿ ಖರೀದಿಸುವುದರಿಂದ ನಿಮಗೆ ಕೆಲವು ಹೆಚ್ಚುವರಿ ಲಾಭಗಳಿವೆ:
ಎಕ್ಸ್ಚೇಂಜ್ ಆಫರ್:
ನಿಮ್ಮ ಹಳೆಯ ಸ್ಮಾರ್ಟ್ಫೋನ್ ನೀಡಿ ಹೆಚ್ಚಿನ ಮೊತ್ತದ ರಿಯಾಯಿತಿ ಪಡೆಯಬಹುದು.
ನೋ ಕಾಸ್ಟ್ ಇಎಂಐ:
ತಿಂಗಳ ಕಂತುಗಳಲ್ಲಿ ಹಣ ಪಾವತಿಸುವ ಮೂಲಕ ಜೇಬಿಗೆ ಹೊರೆಯಾಗದಂತೆ ಶಾಪಿಂಗ್ ಮಾಡಬಹುದು.
ಕಸ್ಟಮೈಸ್ ಮ್ಯಾಕ್:
ನಿಮ್ಮ ಅಗತ್ಯಕ್ಕೆ ತಕ್ಕಂತೆ ಮ್ಯಾಕ್ಬುಕ್ ಕಾನ್ಫಿಗರೇಶನ್ ಬದಲಾಯಿಸಿಕೊಳ್ಳುವ ಅವಕಾಶವೂ ಇಲ್ಲಿದೆ.
